करवीरवासीय (कोल्हापूर) भारताच्या स्वप्नील कुसळेने महाराष्ट्राला खाशाबा जाधवांनंतर ऑलिम्पिकमध्ये मिळवून दिले दुसरे कांस्यपदक
- १९५२ मध्ये खाशाबा जाधव यांनी कुस्ती या वैयक्तिक क्रीडा प्रकारात मिळविले होते कास्यपदक
- ७२ वर्षांनी महाराष्ट्राला ऑलिम्पिक मध्ये वैयक्तिक क्रीडा प्रकारात दुसरे पदक
- पॅरिस ऑलिम्पिक स्पर्धेत ५० मीटर रायफल क्रीडा प्रकारात ४५१.४ गुणांसह स्वप्निल कुसळे मिळविले कास्य
लोकमान्य टाइम्स : ऑनलाईन पॅरिस ऑलिम्पिक
पॅरिस ऑलिम्पिक स्पर्धेत भारताच्या स्वप्नील कुसळे यांने ५० मीटर रायफल नेमबाजी क्रीडा प्रकारात ४५१.४ गुणांसह कांस्यपदक मिळविले. स्वप्निल हा कोल्हापूर जिल्ह्यातील करवीर तालुक्यातील कांबळवाडी येथील रहिवासी आहे. महाराष्ट्रला ऑलिम्पिक स्पर्धेत १९५२ साली कुस्ती या वैयक्तिक क्रीडा प्रकारात कराड जिल्हा सातारा येथील खाशब जाधव यांनी कांस्यपदक मिळविले होते. त्यानंतर ७२ वर्षांनी करवीरच्या सुपुत्राने महाराष्ट्राला दुसरे कांस्यपदक मिळवून दिले. त्यामुळे पॅरिस ऑलिम्पिक स्पर्धेत भारताला नेमबाजी स्पर्धेत तिसरे पदक मिळाले आहे.
स्वप्नील कुसळेने आश्चर्यकारक कामगिरी करत पॅरिस ऑलिम्पिकमध्ये इतिहास रचला आहे. त्याने नेमबाजीत ५० मीटर रायफल स्पर्धेत थ्री पोझिशनमध्ये कांस्यपदक पटकाविले आहे. स्वप्नीलने ५० मीटर रायफल स्पर्धेत चमकदार कामगिरी करीत ४५१.४ गुणाच्या जोरावर पदकाला गवसणी घातली. पॅरिस ऑलिम्पिक २०२४ मध्ये भारताने एकूण तीन पदके जिंकली आहेत. तिन्ही पदके नेमबाजीत आली आहेत. स्वप्नीलपूर्वी मनू भाकेरने महिलांच्या १० मीटर एअर पिस्तूल प्रकारात कांस्यपदक तर मिश्र १० मीटर एअर पिस्तुल प्रकारात मनू भोकर आणि सरबजोत सिंग यांनी कांस्यपदक जिंकले.
कांबळवाडी (करवीर ) शेतकरी पुत्राने रचला इतिहास
स्वप्नील कुसळे हा कोल्हापूरमधील करवीर तालुक्यातील कांबळवाडी येथील रहिवासी असून तो शेतकरी कुटुंबातील आहे. स्वप्नीलने २००९ मध्ये नेमबाजीला सुरुवात केली. त्याच्या वडिलांनी त्याला महाराष्ट्राच्या प्राथमिक क्रीडा प्रबोधिनीमध्ये दाखल केले आणि वर्षभरानंतर स्वप्नीलने नेमबाजीला आपले करिअर म्हणून निवडले. २०१३ मध्येच त्याला लक्ष्य स्पोर्ट्सकडून प्रायोजकत्व मिळाले.
भारतीय क्रिकेट संघाचा माजी कर्णधार महेंद्रसिंग धोनी स्वप्नीलच्या आदर्श
ऑलिम्पिक स्पर्धेत ५० मीटर थ्री पोझिशन प्रकारात अंतिम फेरी गाठणाऱ्या करवीर , कोल्हापूरच्या स्वप्नील कुसळेने भारतीय क्रिकेट संघाचा माजी कर्णधार महेंद्रसिंह धोनीला आपला आदर्श मानतो. धोनीच्या मैदानातील शांत आणि संयमी स्वभाव शैलीचा आपल्यावर कमालीचा प्रभाव असल्याचे स्वप्नीलने आपल्या पात्रता फेरीच्या कामगिरीनंतर सांगितले. स्वप्नील हा रेल्वेत तिकीट तपासनीस म्हणून नोकरी करीत आहे.
