भोसरी विधानसभेचा मीच वस्ताद ; आमदार महेशदादा यांनी इतिहास रचत केली हॅट्रिक

महेशदादा लांडगे यांना मिळाली २ लाख २१ हजार ५७८ मते

अजित गव्हाणे यांना मिळाली १ लाख ४८ हजार ०९७ मते

महाविकास आघाडीचे अजित गव्हाणे यांचा केला मोठ्या मताधिक्याने पराभव

लोकमान्य टाइम्स : भोसरी

भोसरी विधानसभा मतदारसंघामधून आमदार महेश लांडगे यांनी हॅट्रिक केली आहे. महेश लांडगे यांनी सलग तिसऱ्यांदा आमदार होण्याचा बहुमान मिळवला आहे. महेश लांडगे यांच्यासमोर महाविकास आघाडीचे उमेदवार अजित गव्हाणे यांचे आव्हान होतं. भोसरी विधानसभा मतदारसंघात तुतारी वाजणार अशी चर्चा असताना महेश लांडगे विजय झाल्याने भाजपा कार्यकर्त्यांमध्ये जल्लोषाचे वातावरण आहे.

निवडणुक अधिकारी यांच्याकडून निवड पत्र स्वीकारताना आमदार महेशदादा लांडगे. यावेळी माजी महापौर नितीन अप्पा काळजे, राहुलदादा जाधव

भोसरी विधानसभा मतदारसंघात महेश लांडगे विरुद्ध महाविकास आघाडीचे उमेदवार अजित गव्हाणे अशी लढत होती. भोसरी विधानसभेच्या या आखाड्यात महेश लांडगे यांनी अजित गव्हाणे यांना चितपट केलं आहे. आमदार महेशदादा यांना २ लाख २१ हजार ५७८ तर अजित पवार गटातून शरद पवार गटात प्रवेश केलेले अजित गव्हाणे यांना १ लाख ४८ हजार ९७ मते मिळाली . आमदार महेशदादा यांनी ६३ हजार ६४४ मतांचे मताधिक्य मिळविला.

अजित गव्हाणे यांनी वारंवार आरोप- प्रत्यारोप केले त्याचा फायदा त्यांना होऊ शकला नाही. अजित गव्हाणेंसाठी शरद पवार देखील भोसरीच्या मैदानात उतरले तर दुसरीकडे महेश लांडगे यांच्यासाठी राज्याचे उपमुख्यमंत्री देवेंद्र फडणवीस आणि उत्तर प्रदेशचे मुख्यमंत्री योगी आदित्यनाथ यांची जाहीर सभा झाली. “बटेंगे गे तो कटेंगे, एक है तो सेफ है” असा नारा उत्तर प्रदेश चे मुख्यमंत्री योगी आदित्यनाथ आणि उपमुख्यमंत्री देवेंद्र फडणवीस यांनी दिला होता, याचा देखील फायदा महेश लांडगे यांना झाला.