निकृष्ट दर्जाच्या रस्त्याची कामे करून गैरव्यवहार प्रकरणी ठेकेदाराकडून होणार वसुली : मुख्यमंत्री एकनाथ शिंदे

• आमदार अश्विनीताई जगताप यांनी उपस्थित केला होता तारांकीत प्रश्न

• दोषी ठेकेदार, मनपा अधिकारी, कर्मचाऱ्यांच्या होणार कारवाई

• आता राजकीय दबाव झुगारून होणार का कारवाई ? करदात्यांचे लक्ष

लोकमान्य टाइम्स : ऑनलाईन

पिंपरी चिंचवड मनपाचे निकृष्ट दर्जाच्या रस्त्याच्या कामाची देयके काढून केलेल्या गैरव्यवहारातील दोषी ठेकेदारकडून वसुली करून दोषी ठेकेदार, मनपा कर्मचारी व अधिकारी यांच्यावर कारवाई करण्यात येईल असे उत्तर मुख्यमंत्री एकनाथ शिंदे यांनी चिंचवड विधानसभेच्या आमदार अश्विनीताई लक्ष्मण जगताप यांनी पावसाळी अधिवेशनात उपस्थित केलेल्या तारांकीत प्रश्नाला उत्तर देताना आदेश दिले आहेत.

 महाराष्ट्र विधिमंडळाच्या मुंबई येथील सुरू असलेल्या पावसाळी अधिवेशनात  मंगळवारी ( दि. ९)  आमदार अश्विनीताई लक्ष्मण जगताप यांनी पिंपरी चिंचवड महानगरपालिका हद्दीतील जानेवारी २०२२-२३ या वर्षात कोट्यावधी रुपयाच्या डांबरी व सिमेंट काँक्रीट करण्याची कामे निकृष्ट दर्जाची झाली असल्याचे ४४  तक्रारी प्राप्त झाल्याचे निदर्शनास आणून दिले.

सदर रस्त्यांच्या कामाच्या दर्जा व गुणवत्ता तपासणी करणेबाबत कॉलेज ऑफ इंजीनियरिंग पुणे यांच्यामार्फत करून  सदर कामातील दोषी ठेकेदार व निकृष्ट दर्जाची रस्त्याची कामे करणारे संपूर्ण देयेके देणाऱ्या अधिकारी व कर्मचाऱ्यांवर कारवाई करण्याबाबत सभागृहात उपस्थित केलेल्या तारांकित प्रश्न क्रमांक ८०००६ ला लेखी उत्तर दिले आहे.

 मुख्यमंत्री एकनाथ शिंदे यांनी पिंपरी चिंचवड महानगरपालिकेच्या स्वीकृत निविदा दराच्या ४०% पेक्षा  कमी दराने स्वीकृत करण्यात आलेल्या निविदांपैकी १५ रस्त्यांच्या कामांचे गुणवत्ता व दर्जा  कॉलेज ऑफ इंजीनियरिंग पुणे ह्या  त्रयस्थ संस्थेमार्फत तपासणी करण्यात येऊन कॉलेज ऑफ इंजीनियरिंग पुणे यांनी दिलेले अहवालामध्ये काही रस्त्यांची गुणवत्तामध्ये त्रुटी आढळून आल्या आहेत.

त्याअनुषंगाने सदर रस्त्यांची कामांची ठेकेदारांकडून दुरुस्ती व  रक्कम वसूल करून याबाबत  कॉपेने दिलेल्या अहवालातील शिफारशी नुसार निकृष्ट दर्जाच्या रस्त्याची कामे केलेल्या  दोषी ठेकेदारांकडून  रकमेची वसुली व संबंधित रस्त्यांचे कामावर देखभाल करणाऱ्या  महानगरपालिकेचे अधिकारी व कर्मचाऱ्यांवर कडक कारवाई करण्याचे आश्वासित केले.

मनपा अधिकारी व ठेकेदार यांच्या संगणमताला लागेल चाप

 पिंपरी चिंचवड महानगरपालिकेतील रस्त्याच्या कामामध्ये मागील दोन-तीन वर्षापासून सातत्याने  मनपा अधिकारी व ठेकेदाराच्या संगणमताने सुरू असलेल्या निकृष्ट दर्जाच्या कामाला सदर कार्यवाहीने  लगाम लागेल. या आदेशामुळे पिंपरी चिंचवड महानगरपालिकेतील अधिकारी  हे राजकीय दबाव झिडकारून करदात्या नागरिकांच्या पैशातून शहरात विकास कामे करताना मनपाचे हित जोपासण्याचे काम करतील अशी अपेक्षा व्यक्त करतो.

• अश्विनीताई लक्ष्मण जगताप , आमदार चिंचवड विधानसभा